以Justin.tv呢個頻道播左《恐怖驚慄片連播》幾個月，播過差唔多200套恐怖片，當中唔少觀眾問我最鍾意邊套恐怖片，我每次都唔知點答，因為好戲 實在太多，而且每套電影ge方向都唔一樣，好難講邊一套係「最」好睇。但係，印象深刻、觸動心靈ge電影何只1,2套？所以，好想寫低一D電影心得，當係 為自己記錄又好，推介比大家又好。所以，呢度不定期會推介唔同電影，請笑納。(儘量唔透露太多劇情)

定義
先講講我對「恐怖驚慄片」ge定義，如果大家唔係太鍾意咬文嚼字，可以無視呢部份。好多觀眾以為「恐怖」一定係同鬼神有關，所以入左黎睇失望而回。唔知道官方對「恐怖」ge標準係咩，但係我瀏覽好多電影網時，佢地將好多非鬼神ge電影都歸納入「恐怖或驚慄電影」分類裡面，而我分類心得如下：
1. 恐怖或驚慄電影可以大分為兩大類，「超自然恐怖」同「現實恐怖」：
a) 「超自然恐怖」：大多數都係出於超自然力量，可以係《鬼影》裡面出現明顯ge一隻鬼，或者《驅魔人系列》一D鬼附上人類驅體，或者《午夜靈異錄像系列》裡面雖然見唔到鬼ge真身，但有超自然力量影響下令到觀眾有恐怖ge感覺，都可以定義為「超自然恐怖」。
b) 「現實恐怖」：簡單黎講就係「超自然」ge相反。大多數為「人為恐怖」，但亦有少部份係「大自然恐怖」。
- 「人為恐怖」亦可以分為「生理」同「心理」層面，「生理」比較易明，簡單講生理痛楚造成觀眾ge恐怖感，例如好多《xxx殺人狂》、《xxx大屠殺》就係 最好ge例子。「心理」比較難講，好多時候電影會歸納為「懸疑電影」類別，但「懸疑」呢兩個字比較鬥智鬥力，或者同犯罪片比較近。心理恐怖電影我會以《危 情十日》為代表，暴力畫面唔多，但當中女主角ge精神狀態同反應，令到觀眾為之心驚ge，都係心理恐怖ge形式之一。
- 「大自然恐怖」我個人比較少睇，但《大白鯊系列》、《侏羅紀系列》、甚或至一D災難片，只要達至觀眾有恐怖震驚ge感覺。都可以歸類為大自然恐怖。
2. 不過，電影藝術係好多元化，好多時電影都唔只一種形式，好似《鬼玩人系列》，既有鬼上身、又有血腥、解謎時又充滿懸疑感以上面講ge。
3. 「恐怖感」，係我對恐怖片最基本ge標準。

感受
利申一下，我心得非專業範疇，對於演員好深層ge演技、編劇ge佈局未必有好獨到ge見解，而我心得主要以「感受」為主，可能好主觀，但我曾經聽過一個藝術前輩講過，藝術有兩個近義詞：「表達情感」同埋「洗滌心靈」。唔解釋太多，你懂的。

好！電影推介如下：